Руските вооружени сили извршија масовен одмазднички ракетен напад врз воената инфраструктура на Украина како одговор на терористичкиот напад во областа Брјанск, се вели во соопштението на министерството за одбрана на Русија, во врска со новите масовни напади во Украина.
„Воздушно, морско и копнено оружје со долг дострел, вклучително и хиперсоничниот ракетен систем Кинжал, погоди клучни елементи на украинската воена инфраструктура, претпријатија од воено-индустрискиот комплекс, како и енергетските капацитети кои ги обезбедуваат“, соопшти министерството.
Руската армија успеа да ги погоди сите одредени цели, пренесе руската новинска агенција РИА Новости.
Се наведува дека со ракетни напади Русите успеале да ги „уништат базите на непријателските ударни беспилотни летала, да го нарушат трансферот на резервите на Вооружените сили на Украина и железничкиот транспорт на странско оружје, како и да ги онеспособат производствените капацитети за поправка на воена опрема и производство на муниција“.
⚡️ The head of the Lviv Regional Military Administration posted the video of the consequences of the [russian] missile crash in the Zolochiv district.
👉 Follow @Flash_news_ua pic.twitter.com/0UBG7u9rwC
— FLASH (@Flash_news_ua) March 9, 2023
Рано утринава Русија изврши напади врз неколку украински региони, вклучително и главниот град Киев, црноморското пристаниште Одеса и вториот по големина град Харков, предизвикувајќи прекин на електричната енергија, соопштија регионалните власти.
Нападот е извршен врз повеќе цели во градовите кои се протегаат од Житомир, Виница и Ривне на запад до Дњепар и Полтава во централна Украина, пренесува „Ројтерс“.