Во мрежата истекоа официјални слики на Honor Magic 2, кој претстои да биде објавен на 31 октомври. Тие потврдуваат голем дел од прелиминарните информации, со кои располагаме за овој модел во моментот.
Дизајнот со лизгачот дефинитивно е необичен, а зад самиот смартфон се наоѓаат последните творби на Huawei во областа на вештачката интелигенција. ВИ асистент на Honor Magic 2 ќе се вика YoYo и во оваа фаза не е јасно со какви уникатни можности ќе блесне пред многубројните веќе конкуренти. Но постигнувањата на Huawei во сферата на вештачката интелигенција неодамна даваат најава за сериозен потенцијал во овој поглед.
Што се однесува до хардверот, Magic 2 најверојатно ќе работи со последната генерација чипсет Kirin 980 на Huawei – истиот модел, достапен во најновата серија предводници на компанијата Mate 20 и Mate 20 Pro.
Исто така, уредот ќе има тројна главна камера со два 16-мегапиксели и еден 24-мегапиксели сензор. Предната камера ќе има 16 MP и ќе вклучува два TOF (time-of-flight) сензори за 3D отклучување на лицето.
Како што рековме, интересниот смартфон ќе биде објавен на 31 октомври на настан, разумно планиран ден по тој на Apple на 30 октомври.