Се поплави кабинетот на градоначалникот на Шуто Оризари

Актуелниот градоначалник на општина Шуто Оризари, Курто Дудуш, испрати фотографии од неговиот поплавен кабинет. Како што вели тој, канцеларијата постојано е во ваква состојба кога врне дожд.

„Според сведоштвата на вработените, ваквата ситуација е константна со години поради лошата кровна конструкција. Претходниот градоначалник Елвис Бајрам наместо да интервенира во кровна реконструкција, инвестирал во проширување и реновирање на сопствената канцеларија“, вели Дудуш.

Тој вели дека општината е под ризик од избивање на поголем проблем поради протекување вода директно во струјната инсталација.