Марк Ален, еден од најдобрите снукер играчи во светот, освои вкупно 11 големи титули во кариерата, а само од наградни фондови до 2022 година заработил 4.000.000 евра. Сепак, тогаш морал да прогласи банкрот.
Сè се случило во текот на 2022 година, бидејќи од тој момент не водел мирен живот без финансиски проблеми и прогласил банкрот.
„Ова беше единствениот начин да се спасам, да прогласам банкрот. Се срамам да кажам дека сега живеам под кирија. Порано трошев пари пред да ги заработам, веднаш трошев се и сето тоа кулминираше со многу, многу скап развод. Единственото нешто за кое размислувам е да се средам себеси“, изјавил тогаш Ален за Би-Би-Си.
Ален жали што трошел без размислување и купувал што сакал.
„Ако автомобилот беше достапен за 50.000 фунти, би потрошил 80.000 фунти. Ако можев да изнајнам стан за илјада и пол фунти, би потрошил две и пол илјади“.
Во меѓувреме, тој направил големи промени и успеал да застане на нозе. Има освоено неколку значајни трофеи, вклучувајќи го и „Players Championship“ оваа година.