Се урна авион за обука во Грција, загина пилотот

Пилот на грчки авион за обука „Т-2 Бакеј“ загинал кога неговиот авион се урнал во близина на село надвор од воздухопловната база во близина на градот Каламата на јужниот дел на Пелопонез, јави државната телевизија ЕРТ.

При слетувањето на авионот за обука од американско производство, во кој бил само пилотот, според очевидци се слушнала експлозија.

На местото на несреќата пристигнаа спасувачки екипи, полиција, пожарникари и војска.

Авионот „Т-2 Бакеј“ од американско производство првпат полета кон крајот на 1950-тите и служеше како главен авион за обука на грчките воздухопловни сили со децении.

Планирано е тој да биде повлечен од употреба во наредните месеци.