Комисијата за заразни болести денеска не донесе одлука за конечниот модел на спроведување на наставниот процес.
Од Министерството за здравство преку соопштение информираат дека разговорите ќе продолжат и следните денови, се со цел да се изнајде и договори најдобро и најбезбедно решение за начинот на одвивање на наставата. Се дискутирало за здравствените протоколи за реализација на наставата и можноста за започнување на учебната година од 1 септември, но бидејќи се бара најдоброто и најбезбедно решение за учениците и сите вработени во образованието, не е донесена никаква одлука.
Иако министерот за образование и наука, Адеми, илезе од изолација, остана изолиран и недостапен за медиумите и одговор зошто одлука се уште нема, откако во петокот се пофали дека мнозинството анкетирани родители од МОН се за настава со физичко присуство.
Самостојниот синдикат за образование, наука и култура СОНК, преку кратко соопштение на Фејсбук изразија надеж дека при носењето на одлуката во фокус ќе се стави здравјето на децата.