Легендарниот македонски пејач Тоше Проески нѐ напушти пред точно 17 години, откако го загуби животот во тешка сообраќајна несреќа што се случи на автопатот Загреб-Липовац кај Нова Градишка.
Тоше во моментот на смртта имаше само 26 години, а иако многу млад, претходно имаше завидна кариера и се здоби со популарност низ целиот регион. Поради неговата дарба, харизмата и големите хитови, многумина веруваа дека Балканот доби нова „Чола“, но судбината имаше поинаков план.
Тоше уште од мал покажа неверојатен музички талент, а првиот албум го издаде во 1999 година. Иако веќе забележа успех со него, на следниот се хитовите „Тајно моја“ и „Во коси да ти спијам“ со кои стана популарен во целиот регион.
Следеа песните како „Ако ме погледнеш во очи“, „Соба за тага“, „Велам дама“, „Чија си“, „Рани на усни“, „Лошо ти стои“, „Кој ли ти гризе образи“, „Полско цвеќе“, „Игри без граници“…
Своите албуми ги адаптираше на својата публика во регионот, па најчесто имаше верзии на српски јазик, но гордо го истакна своето македонско потекло, а издаде и албум со изворни македонски народни песни.
Постхумно е објавен првиот албум на Тошет на англиски „The hardest thing“, како и песната „I still dream that we are together“.
Неговите песни се сметаат за безвременски, па и денес можат редовно да се слушаат на прослави, радио станици, телевизии…
Во текот на кариерата соработувше со бројни музичари како Гоца Тржан, Тони Цетински, Антонија Шола, Леонтина, Билјана Крстиќ, Есма Реџепова, Марина Туцаковиќ, Каролина Гочева…
Ден по неговата смрт, во Македонија беше прогласен Ден на жалост, а пејачот беше погребан во родното Крушево.
Тоше пред три години конечно доби гробница, а споменикот на Проески е изграден на крајот на 2021 година. Тогашната влада обезбеди 160.000 евра за овој многу вреден и значаен проект.