Сенатот го потврди изборот на Кели Крафт за нов амбасадор на САД во ОН

Американскиот Сенат го потврди изборот на Кели Крафт за нов амбасадор на САД во Обединетите нации, со што по седуммесечна пауза е пополнета таа позиција.

Изборот на Крафт е потврден и покрај стравувањето на демократите поради нејзиното неискуство и судир на интереси.

Крафт моментално е амбасадорка на САД во Канада. Таа и нејзиниот сопруг Џо Крафт, директор на еден од најголемите производители на јаглен во САД, донираа милиони долари за политичките кандидати.

Ова е првпат некој голем политички донатор да ја заземе функцијата амбасадор на ОН во која било администрација во САД.