Дури 80 отсто од помошта што Русија ѝја испрати на Италија е бескорисна, објави италијанскиот весник „Стампа“, повикувајќи се на извори од високите политички кругови.
Откако рускиот претседател Владимир Путин и италијанскиот премиер Џузепе Конте разговараа минатата сабота, Русија ѝ испрати 60 респиратори и 100 виролози и епидемиолози на Италија.
Footage mainstream media doesn’t want you to see:
Big Bad Boogeyman Putin’s military personnel putting their lives on the line and setting up medical equipment to help #Italy save countless people from #coronavirus in Bergamo.
Thank you Russia. 🇷🇺 🇮🇹 pic.twitter.com/Mhu3IhK6eq
— Sarah Abdallah (@sahouraxo) March 27, 2020
Снимката на која се гледаат руските воени камиони на патот кон Рим протече минатата недела на интернет и предизвика позитивни реакции.
– Осумдесет отсто од руската помош скоро воопшто не се користи во Италија. Потполно е бескорисна помошта – рекол неименуван италијански извор за весникот, додавајќи дека станува збор за опрема за дезинфекција, мобилна лабораторија за стерилизација и хемиска превенција.
Тој тврди дека Путин со пакетот „Од Русија со љубов“ всушност користи геополитичка и дипломатска шанса, а Конте, пак, ја примил помошта само за да го обезбеди личниот однос со Москва.
Рускиот амбасадор во Италија, Сергеј Разов, ги демантираше пишувањата на весникот и текстот го нарече перверзен.
– Таквите тврдења се производ на перверзен ум. Несебичната желба да им се помогне на пријателите во неволја некој очигледно поинаку ја доживува – рекол Разов.
Со повеќе од 11.500 починати и 100.000 заразени, Италија има повеќе потврдени случаи на Ковид-19 од која било друга земја во светот.