18
Со воведување царини, САД ќе ги оданочуваат своите граѓани, ќе ги зголемат сопствените деловни трошоци и ќе ја поттикнат инфлацијата, најави денеска во Европскиот парламент европскиот комесар за трговија Марош Шефчович, додавајќи дека Европската унија е подготвена да ги заштити своите интереси.
Шефчович рече дека Европската унија „длабоко жали“ за одлуката на американскиот претседател Доналд Трамп да воведе царини од 25 отсто за увоз на челик и алуминиум, како и за најавата дека Вашингтон ќе воведе дополнителни реципрочни царини оваа недела.
„Тарифите се даноци, тие се лоши за бизнисот и уште полоши за потрошувачите“, рече еврокомесарот.