Шефот на Беневенто: Сања може беше пијан кога се согласи да игра за нас

Претседателот на Беневенто, Оресте Вигорито прокоментира на многу интересен начин како успеал да ја оствари зделката со Бакари Сања.

Поранешниот играч на Манчестер Сити и Арсенал изненадувачки потпиша со италијанскиот „фенерџија“ минатата недела откако беше слободен агент.

Пред натпреварот со Рома, Вигорито изјави: „Како го убедив Сања? Можеби беше пијан во тој момент!“

„Всушност, разговарав со него додека беше на одмор во Неапол и мислам дека му вдахнав инспирација да се врати кон детството и да следи еден сон. Тој е тука само неколку дена, но тој веќе е пример за сите во клубот“, смета шефот.

„Тој е голем човек прво, а потоа и одличен фудбалер“, додаде Вигорито.