Извршниот директор на Борусија Дортмунд, Ханс-Јоаким Вацке потврди дека клубот има голема цел во новата сезона и таа е да ја освојат првата титула на Германија од 2012 година.
Шефот на „жолто-црните“, исто така, зборуваше за пријателскиот натпревар со европскиот шампион Ливерпул на американска земја, во кој неговиот тим победи со 3:2.
– Ние веќе рековме дека ќе дадеме се од себе, за да станеме шампиони. Баерн беше речиси беспрекорен во пролетта, но на крајот бевме само две бода зад нив, па така сме уверени пред почетокот на новата сезона. Никогаш не ни недостасувала храброст, вели Вацке.
Тој потоа ја проанализира состојбата на тимот во нападот, како и претставувањето на новите засилувања.
– Имаме исто толку централни напаѓачи, како и Баерн – еден. Пако Алкасер реализира во секој натпревар за време на летната подготовка, учествува во процесот од самиот почеток и ја пронаоѓа својата најдобра форма – силно играше против Ливерпул. Геце, Торган Азар и Јакоб Брун Ларсен можат да играат на врвот на нападот. Натпреварот против Ливерпул беше повеќе од контролна, особено во последните 15 минути, во кое тие не престануваа да нè напаѓаат. Очигледно е дека не сме Ливерпул, но сме многу попопуларни од пред две години, додаде Вацке.