Руската паравоена група Вагнер негираше дека регрутирала Срби да се борат против украинските сили, еден ден откако активисти поднесоа кривична пријава против организацијата во Белград.
Меѓу пријавените се и амбасадорот на Русија во Србија Александар Бочан-Харченко и Александар Вулин, шеф на српската безбедносно-информативна агенција (БИА).
– Јас не регрутирам Срби, изјави во изјавата основачот на Вагнер, Евгениј Пригожин и додаде дека никогаш порано не слушнал за Боцан-Харченко и Вулин, пренесува „Ослобоџење“.
Српскиот претседател Александар Вучиќ изјави претходно оваа недела дека Русија треба да ги прекине сите напори за регрутирање Срби да се борат заедно со силите на Вагнер.
Тој додаде дека руските веб-страници и групи на социјалните мрежи објавуваат огласи на српски јазик каде што групата Вагнер бара волонтери.
Соединетите Држави соопштија дека воведуваат нови санкции за групата на Вагнер, обвинувајќи ја за купување севернокорејско оружје за војната во Украина, што Вагнер го негира, како и дека регрутира руски затвореници.