Српската пејачка Марија Шерифовиќ доби син со помош на сурогат мајка.
Марија со години фантазирала да држи свое дете во раце и сонот конечно се остварил, а нејзиниот син се родил во клиника во Лос Анџелес.
Како што откри Шерифовиќ, процесот траел долго.
„Ух… Па, мојот процес на донесување одлуки траеше долго. Но, кога првпат пресеков и реков тоа е тоа, веднаш се останато некако си дојде само по себе… Има голема помош од Оној одозгора“, вели таа во интервју за „Блиц“.
Марија не сакаше да открие кој е таткото на детето.
„Поради договорот за приватност, не можам да ги споделам сите информации, но она што можам да го кажам е дека кога ќе дојде време, Марио ќе знае се за тоа“, рече пејачката и откри дека била наведена како единствен родител во документите.
„Јас сум негова биолошка мајка и во документите сум заведена како единствен родител“, рече Шерифовиќ, која ги реши сомнежите и посочи дека таа е мајка на Марио во генетска смисла и дека законот на Република Србија ја признава како неговата мајка.
„И генетски и административно и во секоја друга смисла јас сум мајка на Марио, секој негов мал атом што доаѓа од ДНК на неговата мајка е мој“, рече таа.