Шест лица, меѓу кои и две деца повредени во тешка сообраќајна несреќа кај Маврово

Вчера во 14:50 часот на регионалниот пат Гостивар – Маврови Анови во близина на Мавровската крстосница се случи тешка сообраќајна несреќа.

Во несреќата учествувале две возила, „опел корса“ со штипски ознаки управувано од В.М. (50) од Свети Николе и „ровер“ со тетовски регистарски ознаки управувано од И.Р. (47) од Тетово.

– Во незгодата со тешки телесни повреди се здобил возачот В.М., а со телесни повреди се здобиле сопатниците од истото возило Л.М.(37) и две деца на возраст од пет и три години, потоа возачот И.Р. и сопатничката од истото возило Р.Р.(43), констатирани во Медицинскиот центар Гостивар, се вели во полицискиот билтен.

Извршен бил увид на местото на настанот од увидна екипа од Полициската станица Гостивар.