„Мојата канцеларија и јас лично сме заработиле по 100.000 евра годишно во последните 20 години, што значи јас како сопственик, само на профит имам заработено многу пари и тоа се е пријавено во анкетниот лист. Се е толку транспарентно во него, дури и до болка за луѓето од опозицијата. Нема политичар кој што има толку многу пријавено, колку што имам јас во мојот анкетен лист“, изјави градоначалникот на Скопје, Петре Шилегов за емисијата „Топ тема“.
Тој изјави дека тоа не е спорно, но тоа не е дел од мојот политички живот.
„Јас во политиката влегов во 2013 година. Мојата викендица во Маврово е купена со кредит и тој кредит е прикажан во анкетниот лист. Моето семејство со нашите бизниси, што ги имаме даваме плата на преку 20 семејства во оваа држава, а индиректно помагаме на повеќе од 70 семејства“, истакнува Шилегов.