Во контакт со кожата, морската месечина може да создаде силно чувство на печење. Иако е помала од другите видови кои живеат во Јадранското Море, може да предизвика посилно чувство на болка. Морската месечина е релативно мала медуза со полукружна капа и розови пипала, а нејзиното тело е испреплетено со ситни пурпурни точки.
По повредите, често останува депигментација на кожата или дури и лузна. Оваа медуза може да порасне до 20 сантиметри во должина и до шест сантиметри во дијаметар. Живее на длабочини од нула до 10 метри, каде што плови и повремено плива.
Несреќите при пливање може да ви го уништат одморот, па затоа е важно да внимавате при влегувањето во вода.
Отровот од пипалата на медузата кај човекот предизвикува продорна болка слична на изгореница, проследена со црвенило/осип на кожата, оток и меурчиња. Сè зависи и од видот на медузата која ве „испекла“.
Ако ве пецне медуза во морето, важно е да не паничите, туку веднаш да излезете на брегот и да ја измиете раната со морска вода за да ги извадите пипалата. Не користете обична свежа вода, бидејќи пипалата ќе се залепат за кожата.
Остатокот ќе го деактивирате ако истурите оцет на изгореницата или ако ставите облоги со оцет за да спречите инфекција. Сокот од лимон исто така може да помогне.
Обично, по контакт со медуза на кожата, се јавува алергиска реакција на супстанциите што се наоѓаат во нивните пипала, но ова изгореница обично не е опасна.
Меѓутоа, ако областа е поголема од ширењето на дланката со прстите и се појават поголеми плускавци, треба да се јавите кај вашиот лекар. Кремите со кортикостероиди ќе ја намалат реакцијата, а тие мора да ви ги препише вашиот лекар, пишува „WebMD“.