Новиот американски претседател Доналд Трамп веќе изјавил дека нема да биде диктатор, „освен првиот ден“. Според неговите зборови, тој ден ќе има многу работа во Белата куќа.
Неговата листа вклучува иницирање масовни депортации на мигранти, менување на образовните политики на администрацијата на Бајден, преобликување на федералната влада со потенцијално отпуштање на илјадници федерални вработени за кои верува дека тајно работат против него и помилување на уапсените за нивната улога во немирите на Капитол Хил на 6 јануари 2021 година, пишува „Тајм“.
„Сакам да ја затворам границата и сакам да дупчам“, рекол тој за своите планови за првиот ден.
Кога ја презеде функцијата во 2017 година, Трамп имал слично обемна листа на задачи, вклучително и повторно преговарање за трговски договори, депортирање мигранти и воведување мерки за искоренување на владината корупција. Овие работи не се случија веднаш.
„Ќе ги има десетици. Ве уверувам во тоа“, изјавила за Фокс њуз, националната прес-секретарка на Трамп, Керолин Левит.
Што планира Трамп да направи во својот втор мандат и дали може да почне да го постигнува уште првиот ден?
Трамп рече дека ќе го отпушти Џек Смит, специјалниот обвинител кој води два федерални случаи против него, „во рок од две секунди“ по преземањето на функцијата. Смит веќе размислува за откажување од случаите поради долгогодишната политика на Министерството за правда која вели дека актуелните претседатели не можат да бидат кривично гонети.
Минатата година, тој го обвини Трамп за заговор за поништување на резултатите од претседателските избори во 2020 година и за незаконско собирање доверливи документи на имотот Мар-а-Лаго на Флорида.
Трамп не може да биде помилуван за неговата осуда во државата Њујорк во случајот со тајните плаќања, но тој би можел да се обиде да го искористи својот статус на новоизбран претседател за да ја поништи или укине неговата пресуда и да избегне потенцијална затворска казна.
Случајот во Џорџија, во кој тој е обвинет за мешање во изборите, најверојатно ќе биде единствениот криминален случај што ќе остане нерешен, но може да биде ставен во мирување до крајот на неговиот претседателски мандат во 2029 година. Јавниот обвинител на Џорџија штотуку беше реизбран.
Повеќе од 1.500 луѓе се обвинети откако толпа приврзаници на Трамп, кои тој ги поттикна како тогашен претседател, го нападна Капитол пред речиси четири години.
Трамп ја започна својата општа изборна кампања не само со обидот да ја преобликува историјата на тие немири, туку и со позиционирање на насилната опсада и неуспешниот обид да се поништат изборите во 2020 година како основа за неговото враќање во Белата куќа. Тој ги нарече бунтовниците „неверојатни патриоти“ и вети дека ќе им помогне „на првиот ден од доаѓањето на власт“.
Како претседател, Трамп може да помилува секој осуден пред федералниот суд, Врховниот суд на округот Колумбија или воен суд. Тој може да го запре гонењето на лицата со тоа што ќе му нареди на својот државен обвинител да се повлече.