За голем дел од жените ПМС и месечниот циклус се поврзани со раздразливост, оток и голема доза на болки. Може ли секојдневниот ритам да влијае на месечниот циклус? Излегува дека да. Еве што најчесто може да го наруши балансот во нашите тела. 
Ненаспаност
Осумчасовното спиење не е мит, напротив. Редовниот и квалитетен сон во рок од осум или повеќе часа е најдобар начин да се погрижиме за месечниот циклус. Недостатокот на сон може да доведе до продолжување на процесот на крварење , да ги зголеми стомачните грчеви или да го направи предменструалниот синдром потежок.
Потрошувачка на кофеин
Потрошувачката на кафе и кофеински пијалоци не е забранет пред или за време на циклус, но во големи количини може да доведе до несоница, раздразливост и нервоза. За да не се влошат нерасположенијата за време на циклус, ограничете го кафето, црниот чај и кока колата.
Често патувате
Дали сте забележале дека кога патувате речиси секогаш се случуваат промени во месечниот циклус? Хормонот кој е познат како мелатонин и е одговорен за нашиот сон, е под влијание на многу фактори. Едниот од нив е патувањето. Климатските промени, временските зони, силно влијаат на неговото одвојување, како и за регулирање на останатите хормони во телото.
Алкохол
Сите знаеме дека чаша вино со исхраната може да влијае добро на здравјето. Но, ако често претерувате со консумирањето на алкохол, тоа може да ги продолжи менструалните грчеви, па би било добро да ги избегнувате за време на ПМС и месечниот циклус.
Тешки вежби
Лесната физичка активност може да помогне за намалување на непријатните болести или моментални болки пред и за време на циклус. Но, ако тренинзите ви се интензивни и потешки, можат да ги направат грчеви понепријатни, како и да влијаат врз балансот на хормоните во телото.
Затоа пробајте да одмарате повеќе или ако сепак ви се спортува, правете исклучително лесни физички вежби.
Стрес
Стресот е еден од најголемите удари на нашето време. Кога сме изложени на стрес и напнатост, нашето тело лачи кортизол , кој е хормон на стресот и кој лошо се одразува врз целиот организам, особено за време на месечниот циклус.
Ако неколку дена пред доаѓањето на месечниот циклус, сте биле под стрес, напнати, може да имате промени не само во интензитетот на крварењето, но и во неразположенијата кои го придружуваат.