Што треба да знаат граѓаните на Македонија пред патување во ЕУ?

Од 12 октомври 2025 година, Европската Унија воведува нов дигитален систем за влез и излез (Entry/Exit System – EES) кој ќе го замени претходното печатирање на пасошите, пишува „Бизнис инфо“.

Оваа промена важи за сите граѓани на земји надвор од ЕУ, вклучувајќи ги Македонија, Србија, Босна и Херцеговина, Црна Гора, Албанија и Косово.

Наместо печати, патниците ќе бидат подложени на биометриска идентификација – фотографирање на лицето, земање отпечатоци од прсти и дигитална регистрација на лични податоци и информации за патување.