Тренерот на Борусија Дортмунд, Петер Штогер увери дека тимот ќе го победи Мајнц во следната рунда и ќе заврши во Топ 4.
Како што е познато, вчера „жолто-црните“ одиграа 1: 1 при посетата кај Вердер Бремен, откако погодија три греди, што ги задолжии да мораат да освојат три поени оваа сабота.
„Ние одигравме многу ситуации до крај онака како што сакавме да го направиме, но голманот на противникот имаше многу добар ден и затоа резултатот е таков. Презентацијата ни беше навистина многу добра и јас сум задоволен од прикажаното“, изјави Штогер.
„Треба да ја земеме во предвид силата на Бремен на нивен терен и со оглед на тоа, играта ни беше многу добра. Секако дека сакавме да победиме. Потребна ни е уште една победа за да се пласираме во Лигата на шампионите. И ќе ја постигнеме“, увери австрискиот стратег.