Шукова: Ќе плаќаме за отпад според количината, не според квадратурата

Кандидатката за градоначалничка на Град Скопје, Каја Шукова, најави воведување на нов, праведен модел за наплата на комуналниот надоместок, кој граѓаните ќе плаќаат според количината отпад што ја создаваат, а не според големината на станот во кој живеат.

-Со години граѓаните плаќаат за отпад според квадратурата на станот, без разлика дали живеат сами или во петчлено семејство. Тоа е неправеден модел кој не го стимулира селектирањето. Ние ќе го промениме тоа, изјави Шукова за поткаст.

Таа објасни дека ваквиот пристап е веќе предвиден со Законот за управување со отпад, но досега не е применет поради недостаток на функционален систем. Новиот модел ќе се воведува постепено, преку пилот зони во општините Аеродром, Карпош и Центар.