135
Внатрешните судири во џамијата на албанската заедница во Гебеншторф кулуминирале во недела со масовна тепачка, поради што морале да интервенираат десетина припадници на кантоналната полиција на Аргауа и градската полиција на Баден, потврди портпаролот на полицијата од Берхард Гразер за весникот “20 минути”.
Потпретседателот на исламско – албанската заедница Мурсели Ибраимов за локалниот весник “Аргауер цајтунг” објасни дека до судирот дошло кога управата сакала да смени еден имам. Откако одржал проштален говор, неговите приврзаници станале и физички се пресметале со членовите на управата. Имамот осум години бил активен во заедницата, а тогаш управата дознала дека во текот на летово отпатувал во Македонија и дека овде се сретнал со радикалните имами. После тоа управата одлучила да го суспендира. Незадоволни од тоа, приврзаниците на радикалниот имам започнале масовна тепачка, а двајца завршиле и во болница. Властите на Гебеншторф писмено ја предупредиле исламско-албанската заедница – дека нема да толерира “такви испади и пресметки” бидејќи тие предизвикуваат “страв и загриженост” меѓу жителите.
– Особено не со оглед на загрижувачките настани во Европа, вакви инциденти не придонесуваат за добра атмосфера кај народот. Во случај да дојде до понатамошни негативни случувања, најавени се и соодветни законски мерки.