Обилниот снег предизвика несреќи и прекин на електричната енергија во Словачка, Чешка и Полска, каде што денеска загинаа најмалку две лица поради временските неприлики. Во Цисиец, на југот на Полска, во близина на границата со Словачка, една постара жена загина откако дрво падна за време на невреме и тешко го оштети нејзиниот дом.
Пожарникарите ја пронашле пензионерката во куќата, изјавил портпаролот на противпожарната служба за новинската агенција ПАП.
Друга жена загинала во близина на северното пристаниште Гдањск кога нејзиниот автомобил удрил во дрво, јави ТВН24, која објави повеќе од 140 сообраќајни несреќи поврзани со обилни снежни врнежи и лизгави патишта.
Десетици илјади домови без струја во Чешка
Во северна Словачка, властите прогласија „вонредна состојба“ во 27 општини, што овозможува посебни итни мерки и ограничувања, објави новинската агенција ТАСР.
A snowstorm on D1 near Poprad resulted in a multi-vehicle crash. Drive carefully. 🙏🏻😱 #ThisIsSlovakia #snowstorm #carcrash #snow #accident #winter
Vid: Dodo Stefanak pic.twitter.com/OA7lgtvXbj— This Is Slovakia (@ThisIsSlovakia_) February 4, 2023
Неколку популарни скијачки центри се затворени за викендот. Жителите на регионалниот главен град Жилина и околните градови се повикани да не ги напуштаат своите домови освен ако е апсолутно неопходно.
Sníh. Praha. pic.twitter.com/97ZSU53GYY
— jenten (@JanHrbacek2) February 1, 2023
Во Чешка, дрвјата што паднаа на далноводи оставија десетици илјади домаќинства без струја, објави новинската агенција ЧТК. Во близина на Јаблоне над Орличи, кон полската граница, службите за итна помош мораа да извлечат две повредени лица од нивниот автомобил откако дрво паднало врз него.
Heavy #snow continues to cause disruption across northern parts of #Slovakia .❄️🌨️#Europe
Here's the town of Liptovský Mikuláš👇 pic.twitter.com/rbF4OCHAU6
— BBC Weather (@bbcweather) February 4, 2023
Три лица загинаа во лавини во Австрија
Во исто време, во Австрија најмалку три лица загинаа во серија лавини на западот на земјата. Портпаролот на тиролската полиција изјави дека во саботата во Калтенбах во лавина загинал љубител на зимски спортови. Според локалните медиуми, тој е 17-годишен државјанин на Нов Зеланд.
Во петокот, 32-годишен Кинез загина во ски-центарот Соелден. И двајцата беа надвор од скијачките патеки. Во саботата наутро, во соседниот регион Форарлберг бил пронајден мртов скијач. Станува збор за 50-годишен маж кој загинал во лавина во долината Клајнвалсертал, која граничи со Германија, пренесе агенцијата АПА.