Новоизбраната претседателка на Македонија, Гордана Силјановска Давкова, му се заблагодари на претседателот на Србија, Александар Вучиќ, по повод честитките за изборната победа, со порака дека се надева на натамошно подобрување на српско-македонските односи.
Силјановска Давкова на социјалната мрежа „Х“ напиша дека многу ѝ значат искрените честитки на Вучиќ.
„Очекувам дека ќе продолжиме да работиме на подобрување на одличните македонско-српски односи. Ви благодарам многу претседателе Вучиќ“, напишала довчерашната пратеничка.
Честитам @gogamkd на избору за председницу 🇲🇰 са жељом да успешно обавља одговорну дужност коју преузима. Уверен сам да ћемо заједнички наставити да радимо на јачању веза између 🇷🇸 и 🇲🇰 у циљу напретка и добробити наших народа, као и просперитета целог региона.
— Александар Вучић (@predsednikrs) May 8, 2024
Професорката која беше кандидатка на ВМРО-ДПМНЕ, победи во вториот круг од претседателските избори.
Врз основа на околу 99 отсто преброени гласови, таа освои 65,14 отсто од гласовите, а нејзиниот противкандидат Стево Пендаровски, кој го призна поразот, освои 29,25 отсто. Разликата меѓу двајцата кандидати е речиси 300 илјади гласови.