Силно невреме ја зафати западна Германија, а најлошо е погоден градот Вупертал.
На улиците завладеа тотален хаос, обилните врнежи дожд ги преплавија улиците и ги претворија во реки што носеа сѐ пред себе, па дури и луѓе.
Силниот дожд и надојдената вода срушија дури и покриви на неколку куќи и бензински пумпи, уништени се десетици автомобили, а луѓе останаа заробени во трговските центри.
https://twitter.com/steaeck/status/1001478190395740160
Уништени се и простории на студентскиот дом во Вупертал, но за среќа нема повредени.
Засега нема информации за жртви во невремето.
https://twitter.com/ImTmee/status/1001495355408646145
Спасувачките служби се обидуваат да излезат на терен и да интервенираат, но ситуацијата на терен ги отежнува ваквите напори.
Силно невреме го погоди и Дизелдорф, каде паѓаше и град.
Поплавени се многу куќи, сообраќајот е парализиран и има откажани летови.
https://www.youtube.com/watch?v=p0oM_ntj6zg