Алма Клара Корсини со своите 95 години стана најстарата Италијанка која го победи коронавирусот и стана симбол на надеж за илјадници заразени во Италија, пред се оние старите.
Жената од Модена отишла во болница на 5 март веднаш откако ги почувствувала симптомите. Медицинскиот персонал вели дека телото на пензионерката покажало голема отпорност, а старицата за новинарите рекла дека се чувствува добро.
Докторите и специјалистите во болницата ја лекувале старицата до минатата недела, кога потполно се опоравила без „антивирусна терапија“, а британскиот Телеграф пренесува дека бабата во меѓувреме била отпуштена од болница и вратена во старечкиот дом во кој живее.
Questa simpatica signora in foto si chiama Alma Clara Corsini, ha 95 anni, ed è appena guarita dal #COVID19! Un grande augurio a lei, e un grazie di cuore allo staff medico dell'ospedale di Pavullo (Modena) per averci regalato un timido sorriso! #COVID19italia pic.twitter.com/GXzdQgjRr3
— Fabio Massimo Castaldo (@FMCastaldo) March 21, 2020
Минатата недела 97-годишен маж, за кој се верува дека е најстариот Италијанец кој го преживеал ковид-19, се вратил во старскиот дом откако две недели бил во болница.