Синот на новоизбраниот американски претседател Доналд Трамп изјави дека Воено индустрискиот комплекс сака да се погрижи третата светска војна да започне пред неговиот татко да дојде на власт.
„Изгледа дека Воено-индустрискиот комплекс сака да се погрижи да започне 3-та светска војна пред татко ми да има шанса да создаде мир и да спаси животи. Треба да ги стопираме тие трилиони долари. Проклети да сте, имбецили“, напиша Доналд Трамп помладиот на социјалната мрежа „Х“.
The Military Industrial Complex seems to want to make sure they get World War 3 going before my father has a chance to create peace and save lives.
Gotta lock in those $Trillions.
Life be damned!!! Imbeciles! https://t.co/ZzfwnhBxRh— Donald Trump Jr. (@DonaldJTrumpJr) November 17, 2024
Администрацијата на претседателот Џо Бајден ќе и дозволи на Украина да користи оружје обезбедено од САД за да нападне длабоко на руска територија, рекоа три извори запознаени со ова прашање, што претставува значајна промена на политиката на Вашингтон во украинско-рускиот конфликт, пренесува Ројтерс.
Украина планира да ги изврши првите напади од долг дострел во наредните денови, рекоа изворите, без да откријат детали поради оперативни безбедносни грижи.
Белата куќа не ги коментираше извештаите.
Доколку се потврди, тоа би претставувало голема промена во политиката на САД во услови на долгогодишни молби од Киев да дозволи такви акции.