139
Американскиот амбасадор во Србија Кајл Скат изјави дека го дели мислењето на српскиот претседател Александар Вучиќ дека само по мирен пат може да се придонесе за стабилност во регионот.
Скат во интервју за РТВ Панон рече дека е потребно да се вложат големи напори за да продолжи дијалогот помеѓу Белград и Приштина.
Тој потсети дека српско – американските односи потекнуваат од времето кога српското и американското знаме заедно се вееле на Белата куќа во 1918 година, оддавајќи им почит на жртвите од Првата светска војна.
– Односите помеѓу двете држави се нарушија за време на југословенските војни во 90-те години, но денес односите помеѓу Вашингтон и Белград се повторно пријателски, благодарение на поддршката од американскиот Фонд за развој.