Слаб дожд по котлините, на планините снег

од Nikola Popovski

Времето денеска ќе биде променливо облачно со сончеви периоди, информираат од УХМР. По одделни котлини со појава на магла, а во крајните западни и северни делови ќе има слаби врнежи од дожд, на планините врнежи од слаб снег. Ќе дува слаб до умерен ветер, во западните делови од западен, а долж Повардарието од северозападен правец.

Минималната температура ќе биде во интервал од -2 до 5, а максималната ќе достигне од 4 до 12 степени.

Во Скопје променливо облачно, претпладне магливо со услови за локален слаб дожд. Ќе дува слаб до умерен ветер од северен правец.

Минималната температура ќе се спушти до 2, а максималната ќе достигне до 7 степени.

Во следните три дена времето ќе биде стабилно, во четврток со појава на магла по котлините. Во петок и сабота ќе дува засилен јужен ветер што ќе предизвика значителен пораст на дневните температури и топење на снежната покривка.

Слични содржини