Европа може да се надева дека ќе се врати во „понормален“ едвај во текот на летото, под услов да се вакцинираме, но веројатно и тогаш ќе носиме заштитни маски, смета словенечкиот инфектолог д-р Андреј Трампуж.
Имајќи предвид дека вакцинацијата започнува на крајот на годината, дека ќе биде потребно да се вакцинираат многу луѓе, дека дотогаш голем број од нив ќе бидат позитивни, мислам дека не можеме да зборуваме за нормален или понормален живот пред почетокот на следното лето, околу половина година по вакцинирањето, изјави за „Слободна Далмација“, д-р Трампуж, словенечки специјалист за инфекција и интерна медицина, водечки човек на одделот за хируршка инфектологија во една од најпознатите европски болници „Шарите“ во Берлин.
Во таа болница, како и во многу болници во Европа, тие „страдаат“ со просторот, односно сместувањето на пациентите со корона.
„Имајќи предвид дека „Шарите“ е најголемата болница во овој дел, со најдобар персонал и опрема, сите пациенти со Ковид се испраќаат кај нас. Во моментов имаме многу пациенти, така што одвреме-навреме отвораме оддели за нови пациенти. Можеме да примаме пациенти во болница уште две до три недели, а потоа ќе мора да се преселиме во други установи, како што се монтажни болници или бањи што ќе станат коид центри“, рече Тампуж.
Тој вели дека најголемиот притисок во Германија, како и на други места, го трпат медицинските работници.
„Ние работиме нон-стоп по 20 часа на ден. На пример, не спијам повеќе од четири часа на ден. Не одам дома, само еднаш неделно, спијам во болница и секој од нас дава се од себе за да им помогне на болните. Затоа, сè уште не можам да ги разберам оние кои не ја разбираат сериозноста на ситуацијата во која се наоѓаме и кои се однесуваат како ништо да не се случува“, рече тој.
Тампуж наведува дека, иако сè уште има такви што мислат „лесно ќе го сториме тоа“, во Германија, според истражувањето, повеќе од 70 проценти поддржуваат воведување на уште поригорозни мерки.
„Сите сакаме нормален живот и ќе го добиеме назад само ако се придржуваме до мерките“, истакнува д-р Трампуж.
Кога станува збор за вакцината против коронавирусот, Трампуж вели дека тој би бил вакциниран само со вакцина со најголема ефикасност.
„Овие се, колку што сега знаеме, вакцини „Фајзер“ и „Модерна“, кои се ефикасни 95 проценти. Очигледно, несаканите ефекти не се сериозни и чести, но има и такви кои ќе бидат малку потешки, така што нема да може да се вакцинираат одредени групи на луѓе, а тоа ќе се види во наредните месеци. Секако, треба да се вакцинира затоа што Ковид-19 е многу опасен противник “, заклучи д-р Трампуж.