Кон топлото тихоокеанското крајбрежје нè носи најновата продукција на Волт Дизни “Ваијана” (од англиски Moana). Со неа киностудијата додаваат уште една смела хероина кон својата колекција од независни девојки – Бела од “Убавицата и ѕверот”, Ариел од “Малата сирена”, Рапунцел, Покахонтас или Елса од “Замрзнатото кралство”.
Приказната не запознава со мала островијанка – ќерка на војсководец, која растела пред околу 3000 години. Инспирирана од легендите кои ѝ ги раскажува нејзината баба, таа одлучува да го напушти својот омилен остров и спокојството, за да го најде “срцето” – бисерче на божицата која би ја вратила плодноста во земјите населени од нејзиниот народ.
На режисерскиот стол седнуваат ветераните во слични анимации Рон Клементс и Џон Маскер ( “Херкулес”, “Аладин”), кои многу вешто користат добро познати техники за да го привлечат вниманието на публиката.
Дејството нè пренесува низ морските длабочини, но за разлика од “Барајќи го Немо и Дори”, тука ќе ја почувствуваме силата на природата, апокалиптичните нејзини инстинкти, кои потсетуваат дека со неа шега не бива.
Во водната авантура друштво на Ваијана ѝ прави полубогот Мауи (со гласот на Двејн “Карпата” Џонсон), кој ја загубил својата сила, но носи прилично многу тетоважи, потсетници на доживувањата.
И иако филмот нè враќа векови назад, тогаш важечките лица одговараат на сосема актуелни претстави за современите херои. Во времето кога еманципацијата незамислива во светот, Ваијана е онаа која докажува дека може да се справи со смели предизвици, а полубогот е претставен како типичен тин идол, самобендисан од славата.
Покрај останатото, сеприсутни се и животинки кои ги пратат главните ликови. Во случајот тоа е свиња со дух на куче и глупаво пиле, подготвено да се впушти во длабокото, едноставно затоа што нема поим каде точно се наоѓа. Со овие животинки, Дизни прави и навестување дека Ваијана е веганка, бидејќи не дава ни влакно да падне од нивните глави, и покрај недостатокот на храна во родното нејзино островче. Водата ќе биде другиот лик, кој води самостоен живот.
По традиција Дизни ја става во преден план и музичката придружба и нема да нè остави рамнодушни на гласот на носителот на награди “Тони” Лин-Мануел Миранда, носителот на награда “Греми” Марк Мансини и на основачот и вокал на светски признатата група за светска музика Te Vaka – Опетаја Фоа’и.
Импресивната визуелизација на филмот покажува едни од најубавите морски авантури со речиси летечки скатови, лути богови и чудесно анимирани бури.
И да не заборавиме дека Дизни секогаш биле во синхронизација со јавното мислење. Во времето во кое Обама стана претседател, студиото пушти приказна со првата темнокожа принцеза Тиана во “Принцезата и жабата”. А во момент во кој еколошката рамнотежа е силно влошена „Вајана” нè доближува до силата на природните стихии.
Анимацијата веќе игра во нашите кина.