331
Зимата дефинитивно ни се приближува.Утринава пристигнаа и првите фотографии од снежните прекривки во Маврово, Попова Шапка и Нижо Поле.
Според најавите на метеролозите на планините на северозапад врнежите ќе бидат од снег и ќе се формира снежна покривка од 10 до 15 см.
Минималната температура ќе биде во интервал од 2 до 9, а максималната ќе достигне од 3 до 11 степени.
Во Скопје, облачно и студено со врнежи од дожд, поинтензивни околу пладне и попладне, проследени со засилен ветер од северен правец. Утринската температура ќе се спушти до 6, а дневната ќе достигне до 7 степени.
Во следните денови ќе преовладува променливо облачно време со локална појава на краткотраен дожд, а дневните температури ќе бидат во пораст.