14
Собранието денеска ќе ја одржи 40. седница, на која ќе се разгледуваат пет интерпелации за работата на членовите на Судскиот совет избрани од Собранието – Весна Дамева, Павлина Црвенковска, Миљазим Мустафа, Тања Чачарова-Илиевска и Селим Адеми.
Иницијативата за интерпелација, поднесена на 7 февруари, ја поддржаа 67 пратеници од владејачкото мнозинство. Сепак, согласно Законот за Судски совет, конечната одлука за нивното заминување останува во нивни раце.
Според објаснувањата објавени на веб-страницата на Собранието, интерпелациите се поднесени поради наводно недоследно спроведување на надлежностите, загрозување на угледот на судиите и намалување на довербата на граѓаните во судскиот систем.