Софиското обвинителство отвори случај за заканите кон Устата за навредливата песна кон Македонија

Окружното обвинителство на Софија отвора случај во врска со заканите упатени кон пејачот И.Д.

Пред неколку дена уметникот сподели видео на Интернет со песна поврзана со Македонија. Тој тврди дека по објавувањето на видеото, на социјалните мрежи добивал пораки со закани по неговиот живот.

„Отворено е досие во Окружното обвинителство во Софија. Обвинител ќе спроведе лична истрага за случајот. По собирањето на релевантните информации, надзорниот обвинител ќе оцени дали има доволно докази за сторено општо кривично дело. Доколку има такви, ќе се поведе претистражна постапка“, порачаа од Софиското обвинителство.