Сојузот на средношколци денеска поднесе иницијатива до Уставниот суд за оценување на уставноста и законитоста на членот 41 а од Законот за средното образование.
Претседателот на Сојузот, Лука Павиќевиќ на денешната прес-конференција посочи дека тие предлагаат законски измени кои се однесуваат на правото на бесплатен и праведен јавен превоз за сите средношколци.
Тој напомена дека моменталната состојба не ги третира средношколците подеднакво, бидејќи има повеќе категории средношколци кои немаат право на бесплатен и праведен јавен превоз, а како што рече, во оваа категорија предничат учениците од приватните училишта, но и учениците од стручните училишта кои посетуваат феријална практика во текот на летниот и зимскиот распуст, а немаат право на организиран превоз во текот на распустите.
Како што рече, немаат право на бесплатен превоз ниту учениците кои живеат на помалку од 2,5 километри од училиштето.