Последиците до кои може да донесат високите температури кои ги загрозуваат спиењето и одморот во текот на ноќта не треба да се потценуваат, вели германскиот експерт за спиење Ханс-Гинтер Вес, додавајќи дека утрото по непроспиени ноќи е често придружено со колективно зевање на работа или на училиште.

Но, она што повеќе загрижува е дека сето ова може да предизвика поголем ризик од несреќи на работа или на пат или бројни грешки при извршување на дневни задачи, предупредува раководителот на германскиот Интердисциплинарен центар за спиење.

Постојат неколку начини кои можат да му помогнат на лицето да се чувствува попријатно во топлите ноќи, особено во отсуство на климатизација.

„Сè се сведува на соодветна вентилација. Затворете ги прозорците и ролетните во текот на денот и отворете ги пред да одите во кревет“, вели Вес.

Вториот совет е, иако звучи малку парадоксно, да пиете нешто топло.

„Ако пиете нешто топло пред спиење, помала е веројатноста да се потите“, вели овој експерт. И топол туш, на пример, ќе ги отвори порите на кожата и ќе обезбеди чувство на свежина.

Вес советува да избегнувате да пиете чаша вино пред спиење.

„Пиењето алкохол навечер може да има психолошки, релаксирачки ефект, но исто така ги шири крвните садови и го поттикнува ноќното потење“, вели тој.

Апчиња за спиење се исто така забранети за Вес, кој вели дека треба да се избегнуваат за да не се создадат зависност.

Нашите тела можат да издржат неколку ноќи со помалку сон, додава германски експерт.

Вес има и неколку специјални совети: ако имате подни плочки во спалната соба, можете да истурите малку вода на неа за да ја оладите просторијата, но тогаш треба да бидете исклучително внимателни кога ќе станете од креветот.

„Или едноставно одете во подрумот и спијте таму“, вели овој експерт за спиење.

Во суштина, додава тој, само уживајте во потоплото време, дури и ако тоа ви го расипува сонот.