Министерот за внатрешни работи Оливер Спасовски изрази сочувство до украинскиот народ по трагичната хеликоптерска несреќа во близина на Киев, при што загинаа неколку високи украински функционери.
-Во име на Министерството за внатрешни работи изразувам најдлабоко сочувство до граѓаните на Украина, семејството, колегите и пријателите на мојот украински колега, министерот за внатрешни работи, Денис Монастирски, кој заедно со раководството на министерството го загуби животот во трагична хеликоптерска несреќа во близина на Киев, објави Спасовски на својот профил на Твитер.
On behalf of MOI, I extend my deepest condolences to the people of 🇺🇦, the family, colleagues and friends of my Ukrainian colleague, Minister of Interior, Denys Monastyrsky, who alongside the leadership of the ministry, lost their lives in a tragic helicopter crash near Kyiv.
— Oliver Spasovski (@o_spasovski) January 18, 2023
Седумнаесет лица загинаа кога утрово се урна хеликоптер недалеку од градинка во Бровари, предградие на Киев, а меѓу жртвите се и украинскиот министер за внатрешни работи, Денис Монастирски и две деца, соопштија украинските власти.
Според началникот на полицијата Игор Клименко, загинале и заменикот на Монастирски, Јевхен Јенин и државниот секретар на Министерството за внатрешни работи, Јуриј Лубкович.
Не е познато дали се работи за несреќен случај или падот има некаква врска со војната во Украина. Повредени се вкупно 22 лица, меѓу кои 10 деца.