Србија изрази протест против притисокот, со кој Унијата настапува за да таа воведе санкции против Русија, нарекувајќи го “целосно неприфатлив”.
Српскиот министер за надворешни работи, Ивица Дачиќ, вели во изјавата дека “притисокот врз Србија да ја усогласи, кажано дипломатски, надворешната политика во согласност со онаа на ЕУ … да воведе санкции против Русија, е целосно неприфатлив”.
Високиот претставник за надворешна политика на ЕУ Федерика Могерини во понеделникот го претстави извештајот за заедничката политика на ЕУ за безбедност и надворешни работи во 2016 година, во кој се вели дека Брисел “ќе продолжи да ја повикува Србија во се поголема мера да ги доведува политиката за безбедност и надворешни работи во склад со општата меѓународна политика и политика за безбедност на ЕУ “.
Иако Србија започна преговори за пристапување во ЕУ, таа останува најблискиот сојузник на Москва на Балканот и одбива да се приклучи кон наметнатите од Брисел санкции против Русија поради кризата во Украина. “Србија сака да се приклучи кон ЕУ, но никогаш нема да изврши нешто против националните интереси … Сакаме да имаме добри односи со сите, но не треба да работиме против сопствените интереси”, рече Дачиќ, кој е и вицепремиер. Тој индиректно ги потврди извештаите на локалните медиуми дека Србија и се приклучи на Русија во испраќање на хуманитарна помош за Сирија, велејќи дека “ќе испратиме помош на Сирија, ако некој ни понуди да го направиме тоа “. Кабелска телевизиска мрежа №1 вчера соопшти дека Србија ќе се приклучи кон државите како Белорусија, Кина, Индија, Азербејџан и Казахстан во испраќање на хуманитарна помош, организирано од Русија. Српскиот аналитичар за безбедност Зоран Драгишиќ изјави за №1 дека испраќањето на хуманитарна помош во такви околности “може да биде сфатен дека стоиме на страната на Русија во сирискиот конфликт”. Според локалните медиуми, помош ќе биде испратена со руски авиони, кои може да одлетаат од аеродромот во Ниш. / АФП