Претседателот на Белорусија, Александар Лукашенко, рече дека неговите разговори со рускиот претседател Владимир Путин во Сочи траеле пет часа и дека поголемиот дел од времето било зборувано за енергетиката. Тој се осврна и на рускиот заем за Белорусија.
„Разговаравме за неколку теми скоро пет часа. Планот беше разработен“, изјавил Лукашенко и додал дека најмногу внимание се посветило на енергетиката, иако за некои конкретни бројки не се разговарало.
Друга тема на агендата бил пристапот до пазарот, и како што рече, самиот Путин предложил активирање на големи фирми, директори, а министрите да се состанат и да работат.
„Реков: Добро, тоа ми одговара“, соопштил Лукашенко.
Тој исто така објаснил за што станува збор рускиот заем:
„Инсистирав на тоа. И премиерот и министерот за финансии предложија да го отплатиме заемот – оваа година требаше да исплатиме милијарда долари стар долг. Со сите тешкотии, подготвени сме да ги вратиме тие милијарди. Ова не е нов заем. Тоа беше моето барање до руското раководство да ја премести отплатата на долгот во следната година. Тоа е процес на рефинансирање“, заклучил Лукашенко.
Путин и Лукашенко се сретнаа пред три дена во Сочи.