Српска министерка откри како се чувствува откако ја прими вакцината на Фајзер

Српската министерка за труд, Дарија Кисиќ Тепавчевиќ денес изјави дека се чувствува одлично откако утрово ја прими вакцината на „Фајзер“ против ковид-19.

Во Крагуевац, откако им ги предаде клучевите од автомобилот на добитниците на наградната игра „Земи сметка и победи“, таа рече дека е среќна што е со победниците и дека се чувствува одлично откако ја примила вакцината.

Утрово, премиерката Ана Брнабиќ беше прва во Србија што ја прими вакцината против ковид-19 во Институтот „Торлак“, а веднаш потоа следуваше министерката Кисиќ.

Во вторникот, во Србија пристигнаа 4.875 вакцини на „Фајзер“.