Стано: ЕУ не се плаши од статус кво во дијалогот, но едностраните потези на Приштина ја отежнуваат ситуацијата

од Stefanija Kuzmanovska

Петер Стано, портпаролот на Европската комисија, денеска изјави дека ЕУ не се плаши од статус кво во дијалогот меѓу Белград и Приштина, дека дијалогот продолжува, но дека Брисел стравува дека луѓето би можеле да бидат изоставени „од она што го имаат од пристапниот процес“, особено поради едностраните одлуки и однесувањето на Приштина.

„Не се плашиме од статус кво, не се плашиме од ќорсокак, всушност не се плашиме од ништо поврзано со тоа, се плашиме само дека луѓето во Косово и Србија би можеле да бидат изоставени од она што го имаат од пристапниот процес“, истакна Стано.

Вака тој одговори на брифинг со новинарите во Брисел на прашањето дали се плаши од статус кво состојбата во дијалогот, имајќи го предвид, како што навел новинарот, неисполнувањето на обврските и недостатокот на средби.

Стано нагласи дека дијалогот меѓу Белград и Приштина продолжува и оти се постигнува напредок во тој процес.

„Дијалогот продолжува. Продолжуваме да работиме на напредок во овој процес, да им помогнеме на страните конечно да почнат да се однесуваат конструктивно за да можат да одат напред“, рече Стано.

Тој нагласи дека сè што беше споменато и на што реагираше ЕУ, особено кога станува збор за приштинската страна, односно „едностраните одлуки и работи што предизвикаа загриженост“, заедно со „начинот на комуникација“ од страна на приштинските власти, ги развива стравувањата на ЕУ дека „Косово би можело да биде изоставено“.

Слични содржини