Ставот е јасен: СЗО е против ковид-пасошите

од Nikola Popovski

Официјалниот претставник на Светската здравствена организација (СЗО) Мајк Рајан денес изјави дека таканаречените пасоши за вакцини против Ковид 19 не треба да се користат за меѓународни патувања.

Причината е голем број проблеми, вклучувајќи ги и моралните, бидејќи вакцините не се подеднакво достапни за сите во светот.

Рајан посочи дека има „практични и етички проблеми“ за земјите кои размислуваат да користат сертификати за вакцинација како услов за патување и истакнал дека СЗО е против тоа.

– Вакцинациите не се доволно достапни ширум светот. Исто така, тие не се достапни на ист начин – нагласил Рајан.

СЗО претходно изјави дека сè уште не е познато колку долго ќе трае имунитетот од голем број лиценцирани вакцини против Ковид-19 и дека податоците сè уште се собираат.

Тој додаде дека оваа стратегија е неправедна кон луѓето кои не можат да се вакцинираат од одредени причини и дека „барањето за вакцина пасоши може да овозможи нееднаквост и нечесност во системот“.

loading...

Слични содржини