Столтенберг во посета на САД: „Моќта на НАТО треба да се зајакне“

од Stefanija Kuzmanovska

Генералниот секретар на НАТО, Јенс Столтенберг во Вашингтон се сретна со претседателот на Претставничкиот дом на американскиот Конгрес, Мајк Џонсон и со претставникот на малцинството, Хаким Џефрис.

Столтенберг изјави дека треба да се зголемат инвестициите во одбраната за посилен НАТО, пренесува агенцијата Анадолија.

Тој во таа прилика порача дека силно НАТО е од стратешко значење за САД.

Наведувајќи дека НАТО им дава на САД посеопфатна мрежа на сојузници од која било друга глобална сила, Столтенберг рече дека моќта на НАТО треба да се зајакне со зголемување на инвестициите во одбраната.

„За време на средбата ја допревме важноста да се испрати јасна и одлучна порака до рускиот претседател Владимир Путин дека не може да победи во војната во Украина. Обраќајќи се на растечките закани и предизвици од Кина, се согласивме дека заедничкиот став како НАТО ќе не направи подобро подготвени да се соочиме со постојано растечката глобална конкуренција“, се вели во заедничката изјава на Џонсон и Столтенберг.

Слични содржини