Најмалку 26 лица загинаа откако минибус се запали по катастрофален судир со камион во Мексико.
Според локалните медиуми, во автобусот имало неколку деца и бебиња кога се случила страшната несреќа, пренесува „Метро“.
Возилата се судриле на патот меѓу градовите Сарагоса и Идалго. Сликите кои ги споделија властите покажуваат дека патничкото комбе е речиси целосно уништено од пожарот, додека камионот исто така претрпел голема штета.
Надлежните утврдиле дека камионот кој превезувал приколка повеќе не бил на местото на несреќата. Извор од обвинителството во Тамаулипас рече дека истражителите не се сигурни дали возачот на камионот побегнал или дали тој исто така загинал во несреќата.
#Tamaulipas Fatal accidente entre un tráiler y un vehículo tipo van, dejó un saldo de 13 muertos en el kilómetro 80 de la carretera 83 del tramo carretero #Hidalgo – #Zaragoza.#QEPD#FelizDomingo pic.twitter.com/Xl3B2sBZMJ
— El Expreso Noticias (@ExpresoNoticia) May 14, 2023
Сите жртви веројатно биле членови на едно семејство кое изнајмило комбе за да се вози до северниот град Монтереј во Веракруз, објавија локалните медиуми.
Се верува дека сите тие се Мексиканци, бидејќи на местото на настанот биле пронајдени национални лични карти, пишува „Сан“.
Несреќата се случила на автопат во близина на главниот град на државата, Сиудад Викторија, а се истражува причината која довела до несреќата, соопштија властите.