115
Најмалку 49 лица загинале во градот Либурн во Франција при судир на автобус и камион, соопштува “Europe1”. Засега причината за несреќата не е разјаснета. По судирот автомобилите се запалиле.
Двете возила се судриле директно едно во друго во градот Puisseguin, вo близина на Libourne во регионот Жиронд, источно од Бордо.
Според весникот Sud Quest, автобусот превезувал постари луѓе кои тргнале на одмор.
Ова е најтрагичната сообраќајна несреќа во Франција од онаа во Beaune во 1982 година кога загинаа 52 луѓе, пишува Би-Би-Си.
Околу 60 пожарникари биле пратени на местото на инцидентот, објавија медиумите.
Според најновите информации, осуммина ја преживеале несреќата така што избегале од автобусот, кој бил зафатен во пламен.