Стручните лица предупредуваат: Фејсбук не е за мали деца

Со отворено писмо до директорот на Фејсбук Марк Цукерберг групи стручни лица порачуваат дека создавањето апликации за деца помлади од 13 години е неодговорно, оти ги поттикнува помасовно да ја користат оваа социјална мрежа.

Стручните лица сметаат дека децата не се подготвени и не треба да имаат профили на социјалните мрежи.

Како што јави Би-Би-Си, тие првенствено приговараат на поедноставената верзија „Фејсбук за деца“, со ограничени содржини.

Во писмото натаму се наведува дека децата не се доволно зрели да ја сфатат комплицираноста на интернет врските со светот, што често доведува до конфликт дури и меѓу повозрасните корисници.