Американскиот град Чикаго изгледа како воена зона по немирите што започнаа. Големи групи на разбојници упаѓаат во трговски центри и продавници, а на улиците се случуваат судири и тепачки со полицијата. Локалните власти најавуваат дека ќе воведат полициски час.
Немирите започнале по пукањето во кое учествувала полицијата, а еден млад човек е ранет, јавуваат американските медиуми.
Welcome to Chicago. It’s complete anarchy. pic.twitter.com/nuT59QmRHg
— Ian Miles Cheong (@stillgray) August 10, 2020
Полицијата објавила дека 20-годишниот кој пукал во полициските службеници најпрво бил ранет. Сепак, после тоа, се случил вистински хаос во градот, а најпогодена била преполната трговска зона позната како „Magnificent mail“.
Looters broke into a Chicago mall and are looting the place clean tonight. #BlackLivesMatter pic.twitter.com/wKJZbcvpoZ
— Andy Ngô (@MrAndyNgo) August 10, 2020
Стотици луѓе дошле во центарот на градот каде што ограбувале продавници, додека полицијата се обидела да ги растера.
„Ова не беше организиран протест. Тоа беше повеќе од обичен криминален инцидент. Тоа беше чин на насилство врз полицијата и нашиот град “, рече началникот на полицијата во Чикаго, Дејвид Браун.
Unrest, looting and what sounded like gunshots near Rush and Superior. pic.twitter.com/cXCEAEvicH
— Robert Chiarito (@rjchiarito) August 10, 2020
За да се спречи толпата да предизвика немири, властите во Чикаго ги подигнале мостовите што водат до центарот на градот и ги блокирале автопатите, со што ги затвориле линиите за јавен превоз што водат до центарот на градот.
Началникот на полицијата Дејвид Браун изјавил дека полицискиот час ќе биде воведен во одредени делови на градот од осум часот навечер до шест часот наутро.
Полицијата соопштила дека околу 100 лица биле уапсени, а 13 полицајци биле повредени за време на немирите. Десетици продавници биле ограбени, полицијата употребила солзавец, додека демонстрантите фрлале камења и шишиња кон нив, а меѓу двете страни имало и размена на оган.
Media staging will be at 57th and Aberdeen
— Tom Ahern (@TomAhernCPD) August 9, 2020