Судењето за модуларната болница се одложи, двајца од обвинетите не се појавија во судница

Поради отсуство на дел од обвинетите се одложи судењето за пожарот во модуларната болница во Тетово и се презакажа за 14 октомври во 10 часот.

На 8 септември, минатата година во болницата во која се лекуваа пациенти заразени со Ковид-19 животот го загубија 14 лица.

Двајцата првообвинети, поранешни директори на Клиничка болница Тетово, Флорим Бесими и Артан Етеми се товарат дека сториле тешки дела против општата сигурност, а третиот, докторот Б. В е обвинет за непостапување според здравствените прописи за време на епидемија. Додека обвинетото правно лице Клиничката болница Тетово сторило две кривични дела предизвикување општа опасност и непостапување според здравствените прописи за време на епидемија.