Третата доза на вакцината против Ковид -19 или „бустер“ „не е луксуз“, туку начин да се заштитат најзагрозените, објави денеска Светската здравствена организација (СЗО).
Претходно овој месец, СЗО објави дека вакцинацијата на веќе целосно вакцинирани лица дополнително ќе ја зголеми нееднаквоста во вакцините помеѓу богатите земји и земјите со помали примања, пишува Ројтерс.
„Третата доза на вакцината не е луксузен засилувач земен од некој што се уште го чека првиот убод. Тоа е практично начин да се заштитат најзагрозените “, рече Ханс Клуге, шеф на СЗО за Европа, пренесе Танјуг.
Клуге, исто така, рече дека стапката на ширење на Ковид -19 низ Европа во последните две недели, во комбинација со ниското ниво на вакцинација во некои земји, е „длабоко загрижувачка“.